O CONSELLO DE MINISTROS APROBA O REAL DECRETO QUE REGULA O CONSELLO ESTATAL DAS ARTES ESCÉNICAS E DA MÚSICA E OS CONSELLOS SECTORIAIS ARTÍSTICOS

Publicado o 30/04/2010 @ 11:35 Actualizado o 04/06/2010 @ 07:43 Escrito por Administrador

A norma converte ao Consello Estatal no máis alto órgano de asesoramento do INAEM. Os Consellos Sectoriais de Música, Danza, Teatro e Circo dependerán do Consello Estatal e intervirán no proceso de selección dos futuros directores dos centros de produción artística.
A disposición brinda máis operatividade e coherencia ao Consello Estatal, que estará participado na súa maioría por representantes dos sectores.
O Consello de Ministros, a proposta da ministra de Cultura, Anxos González-Sinde, aprobou hoxe o Real Decreto que regula a nova estrutura e funcións do Consello Estatal das Artes Escénicas e da Música e dos Consellos Sectoriais de Música, Danza, Teatro e Circo, órganos de asesoramento e participación do Instituto Nacional das Artes Escénicas e da Música (INAEM). 
As modificacións que incorpora este Real Decreto ?que substitúe á normativa anterior de marzo de 2008? permitirán a constitución efectiva en breve prazo do Consello Estatal e o nomeamento posterior dos novos Consellos Sectoriais das artes escénicas e da música.

OPERATIVO E COHERENTE

Coa intención de racionalizar e simplificar o sistema actual, por medio deste Real Decreto vaise a converter ao Consello Estatal nun sistema, organizativa e estruturalmente, máis operativo e coherente, sen prexuízo de conseguir a máxima garantía de representatividade e eficacia.
Como órgano que canaliza a participación e a colaboración dos sectores das artes escénicas e musicais e das distintas Administracións Públicas con competencias nesta materia coa Administración Xeral do Estado, estará formado por ata un máximo de 40 representantes a proposta dos sectores da música, a danza, o teatro e o circo; ata un máximo de 21 vogais propostos pola Dirección Xeral do INAEM, entre persoas de recoñecido prestixio no seu ámbito; 1 representante de cada unha das Comunidades Autónomas e Cidades con Estatuto de Autonomía; 1 representante da Federación Española de Municipios e Provincias e 1 membro proveniente do Ministerio de Educación.

REDUCIÓN DA ESTRUTURA

Entre outras medidas, integrarase aos consellos sectoriais na estrutura do Consello Estatal. O Real Decreto permitirá homoxeneizar criterios de funcionamento, mandato e elección dos sectores representados, ademais de definir o papel do os Consellos Artísticos.
Entre outras tarefas, corresponderá aos Consello Artísticos, analizar e valorar as actividades do INAEM no ámbito da música, a danza, o teatro e o circo, ademais de avaliar e realizar o seguimento dos centros de produción artística que lle sexan propias pola súa natureza. Para rematar, asesorarán no procedemento de selección dos directores dos centros de creación artística do seu ámbito, atendendo á natureza e peculiaridades de cada un deles.

CONTROL E ASESORAMENTO

O INAEM pretende con esta nova regulación unha maior implicación dos sectores das artes escénicas e da música na análise da realidade da creación artística española en todas as súas dimensións, asumindo, por vez primeira, un papel activo no asesoramento dos centros de produción e xestión correspondentes á súa área.

Visto en: Plan de Normalización Laboral