Asemblea Xeral de Músicos ao Vivo o domingo 23 de outubro

Publicado o 04/10/2011 @ 11:27 Actualizado o 04/10/2011 @ 11:28 Escrito por Administrador

Músicos ao Vivo celebrará a derradeira asemblea do ano o vindeiro domingo, 23 de outubro, na sala circular do Auditorio de Galicia (Santiago de Compostela). O evento terá lugar ás 17h.

Na asemblea falaremos de todas as novidades na marcha da asociación, que son moitas e de bastante calado; das que vos iremos informando chegado o momento.

Trataremos, tamén, cuestións de especial importancia para a marcha da asociación: orzamento previsto para 2012, situación económica actual da asociación, actividades e obradoiros previstos…Debatiremos sobre a liña de actuación a seguir e escoitaremos as inquedanzas dos músicos.

A asemblea está aberta a socios e a músicos en xeral.

¡Contamos coa vosa asistencia!

Reunión de Músicos ao Vivo con AGEM

Publicado o 07/07/2011 @ 01:37 Actualizado o 07/07/2011 @ 01:37 Escrito por Administrador

O pasado mércores,  6 de xullo, Músicos ao Vivo mantivo unha reunión-presentación con AGEM (Asociación Galega de Empresas Musicais).

O encontro responde á necesidade de presentar a nosa asociación e os seus servizos a tódalas institucións implicadas, dalgún xeito, coa industria musical galega.

O resultado da xuntanza foi moi positivo, atopando moitas liñas estratéxicas de actuación e preocupacións comúns e sobre todo por abrir unha canle de relación continua de cara a inicativas futuras.

Reunión Informativa de Músicos ao Vivo en Vigo

Publicado o 10/06/2011 @ 04:48 Actualizado o 10/06/2011 @ 04:48 Escrito por Administrador

Despois de algún tempo  retomamos as reunións con socios e músicos por diferentes vilas da xeografía galega. Voltamos con algunhas novidades importantes e con ansias de explicar, debatir e escoitar diferentes propostas relacionadas co colectivo de músicos en Galicia

O vindeiro xoves, 16 de xuño terá lugar unha reunión en Vigo, no salón de actos do MARCO.
O evento dará comezo ás 17:00h.

Hai moitas e importantes cuestións que tratar, polo que esperamos a vosa asistencia e pedímosvos que divulguedes este anuncio entre os vosos coñecidos músicos. É importante ser cada vez máis para ter forza como colectivo.
Aproveitamos para agradecer ao MARCO a cesión das súas instalacións para esta reunión.

Esperámosvos!

Asemblea Xeral de Músicos ao Vivo o domingo 3 de abril

Publicado o 28/03/2011 @ 07:53 Actualizado o 28/03/2011 @ 08:38 Escrito por Administrador

Músicos ao Vivo celebrará a primeira asemblea do ano o vindeiro domingo, 3 de abril, na sala circular do Auditorio de Galicia (Santiago de Compostela). O evento terá lugar ás 17h.

Na asemblea trataranse temas de especial importancia para a marcha da asociación: orzamento para 2011, situación actual da asociación, actividades e obradoiros previstos…Debatiremos sobre a liña de actuación a seguir e escoitaremos as inquedanzas dos músicos.

A asemblea está aberta a socios e a músicos en xeral.

¡Contamos coa vosa asistencia!

Obradoiro de contratación de músicos en A Coruña o 2 de abril

Publicado o 28/03/2011 @ 06:05 Actualizado o 28/03/2011 @ 08:37 Escrito por Administrador

Músicos ao Vivo segue coa súa actividade informativa neste 2011. O vindeiro sábado, 2 de abril, ás 11h, a asociación impartirá un obradoiro sobre contratación de músicos en espectáculos públicos, centrando a charla no modelo de facturación mediante cooperativas de músicos, servizo que leva ofrecendo a asociación dende o pasado mes de xullo de 2010. Ao final da mesma responderemos ás dúbidas e cuestións que propoñan os asistentes.

O evento é organizado polos locais de ensaio da Concellaría de Mocidade, Solidariedade e Normalización Lingüísticada do concello de A Coruña e terá lugar na sala O Túnel (Coliséum).

Estades todos convidados. Para asistir é preciso inscribirse no blogue de Locaisdensaio, porque hai prazas limitadas.

Máis información:

http://locaisdensaio.blogspot.com/

Inscricións:

http://locaisdensaio.blogspot.com/p/como-inscribirse-nos-obradoiros.html

Actualizadas as tarifas da S.S. para o ano 2011

Publicado o 26/02/2011 @ 05:31 Actualizado o 28/02/2011 @ 01:23 Escrito por Administrador

Xa están dispoñibles na nosa web as tarifas da S.S. que se están a aplicar para este ano 2011.

En termos xerais, e como era de esperar, producíronse pequenas modificacións con subidas pouco significativas en tódolos tramos.

Podedes descargar o arquivo dende a nosa sección de contratos.

Músicos ao Vivo deséxavos un bo nadal e un próspero ano 2011

Publicado o 24/12/2010 @ 06:03 Actualizado o 24/12/2010 @ 06:03 Escrito por Administrador

Músicos ao Vivo quere desexarvos a todos un Bo Nadal e un próspero ano 2011 con moita música.

Esperemos que a andaina da asociación manteña o ritmo e entusiasmo deste ano. A Xunta Directiva traballará a reo co voso apoio para que esta aventura siga adiante polo ben da música e dos músicos.

Un saúdo.