Dispoñible o primeiro vídeo da charla de Antoni Mas en Galicia

Publicado o 06/07/2010 @ 10:03 Actualizado o 06/07/2010 @ 10:03 Escrito por Administrador

Xa está dispoñible o primeiro vídeo da charla informativa que Antoni Mas deu o pasado día 6 de xuño na reunión que organizou MÚSICOS AO VIVO en Santiago de Compostela.

Antoni explicou en detalle o procedemento de constitución de Musicat e o funcionamento do seu grupo de xestión en referencia ao Plan de Regularización Laboral dos músicos que estamos a impulsar en Galicia.

Este vídeo ven a ser a continuación de “Introducción Xunta Directiva”, tamén dispoñible no noso canal de Youtube, no que se expoñen as liñas mestras do Plan Estratéxico de MÚSICOS AO VIVO para 2010.

Iremos engadindo o resto de vídeos da charla progresivamente.

Bota a andar o Plan de Regularización Laboral dos Músicos en Galicia

Publicado o 07/06/2010 @ 06:12 Actualizado o 21/06/2010 @ 08:36 Escrito por Administrador

O domingo 6 de xuño, a asociación “MÚSICOS AO VIVO” presentou a posta en marcha do seu Plan Estratéxico 2010-2011, no que destaca o Plan de Regularización Laboral dos Músicos (PRLM) en Galicia.

O Plan de Regularización Laboral

Na reunión do domingo contamos coa presenza de Antoni Mas, fundador de MUSICAT (Asociación Professional de Músics de Catalunya)  e responsable de que tras 15 anos de existencia de dita asociación, Cataluña sexa unha referencia en canto á regulación da situación laboral e fiscal dos músicos. Antoni explicounos o funcionamento do  Grupo de Xestión de MUSICAT e anunciou o Convenio de Colaboración que vinculará a “MÚSICOS AO VIVO” coa asociación catalá.